Azərbaycan, Bakı, 8 aprel /Trend, müxbir K.Zərbalıyeva/ Azərbaycan paytaxtında zavoda bomba qoyulması barədə yalan məlumat verən şəxsin kimliyi müəyyən olunub.
Nizami rayon Prokurorluğundan Trend-ə verilən məlumata görə, aprelin 7-dən 8-ə keçən gecə, Daxili İşlər Nazirliyinin "102" xidmətinə zəng edən 1963-cü il təvəllüdlü Nəsib Qasımov Xətai rayonu ərazisindəki "Azərneftyanacağ" Neftayırma zavoduna partlayıcı qurğu yerləşdirilməsi barədə məlumat verib. Məlumat əsasında Fövqəladə Hallar Nazirliyi əməkdaşları tərəfindən zavodda axtarış tədbirlərinə başlanıb və 2 saata yaxın davam edən axtarışlar nəticəsində məlumat təsdiqini tapmayıb.
Məlumatı verən Qasımov Nizami rayonu , Balakişiyev küçəsi, ev 6/10, mənzil 104 ünvanında yaşayır.O polis tərəfindən saxlanılıb
Xətai rayon prokurorluğundan isə bu barədə onlarda məlumat olmadığı bildirilib.
Bakıda neftayırma zavoduna bomba qoyulması barədə yalan məlumat verən şəxsin kimliyi müəyyən olunub
Azərbaycan paytaxtında zavoda bomba qoyulması barədə yalan məlumat verən şəxsin kimliyi müəyyən olunub.