Azərbaycan Prezidenti Polşanın ölkəmizdəki səfirliyində olub

Azərbaycan Prezidenti İlham Əliyev bazar ertəsi Polşa Respublikasının ölkəmizdəki səfirliyində olub. Məlumatı AzərTAc Dövlət İnformasiya Agentliyi yayıb.
 
Dövlətimizin başçısı Polşa Respublikasının Prezidenti Lex Kaçinskinin və xanımı Mariya Kaçinskanın, Polşa Prezidenti Administrasiyasının məsul işçilərinin, Senat və Seym üzvlərinin, Polşa ordusunun yüksəkrütbəli zabitlərinin təyyarə qəzasında faciəli surətdə həlak olması ilə əlaqədar başsağlığı verib, matəm kitabına ürək sözlərini yazıb.