Azərbaycan, Bakı, 28 aprel /Trend, müxbir K.Zərbalıyeva/
Çin səfiri səfirliyin yeni hərbi attaşesini Azərbaycanın müdafiə nazirinə təqdim edib.
Çərşənbə günü müdafiə naziri Səfər Əbiyev Çinin Azərbaycandakı səfiri Çjan Yannyanı qəbul edib. Bu barədə nazirliyin mətbuat xidmətinin məlumatında bildirilir.
Görüş zamanı iki ölkə arasında hərbi əməkdaşlıq məsələləri müzakirə olunub. Çin səfiri Dağlıq Qarabağ münaqişəsinin Azərbaycanın ərazi bütövlüyü çərçivəsində həllinin vacibliyini bir daha qeyd edib.