Azərbaycanın NATO-ya daxil olması ölkənin öz istəklərindən asılıdır – Norveç səfiri

"Azərbaycanın NATO-ya daxil olması ölkənin öz istəklərindən asılıdır. Azərbaycan öz müdafiə potensialını  həm hərbi, həm də mülki sahədə möhkəmləndirməli və müasirləşdirməlidir", - Norveçin Azərbaycandakı səfiri Yon Ramberq belə hesab edir.

"NATO-nun yeni strateji konsepsiyası bu ilin noyabrında qəbul olunacaq", - çərşənbə axşamı səfir Bakıda keçirilən "NATO-nun Avropada sabitlik və təhlükəsizliyin təminatı və strateji arenada rolu" adlı konfransda çıxış edərkən bildirib.

Konsepsiya bütün ölkələri - ittifaqın  üzvləri, həmçinin NATO-ya partnyor ölkələri əhatə edir.

Azərbaycanla NATO arasında olan əlaqələrin əsası 1994-cü il mayın 4də imzalanmış  "Sülh Naminə Əməkdaşlıq" Proqramı ilə qoyulub. Azərbaycan bu proqramın ilk iştirakçıları sırasında ATƏT-in 27 üzv ölkəsindən biri olub.

1996-cı ilin aprelində "Sülh Naminə Əməkdaşlıq" Proqramı çərçivəsində qarşılıqlı əlaqələrin konkret istiqamətini müəyyən edən  rəsmi sənəd imzalanıb. Hal-hazırda Azərbaycan bu proqrama uyğun olaraq, üzərinə düşən  50 əməkdaşlıq vəzifəsini yerinə yetirir.

2005-ci il avqustun 3-də Prezident İlham Əliyev "Azərbaycan Respublikasının NATO ilə fərdi əməkdaşlığına dair planın təsdiq olunması"  barədə fərman imzalayıb.

Hal-hazırda əməkdaşlıq planın ikinci mərhələsi çərçivəsində həyata keçirilir.