Qazaxıstan, Astana, 24 may /Trend, müxbir S.Süleymanov/
Türkiyə Prezidenti Abdullah Gül Astanaya çərşənbə axşamı başlayacaq qarşıdakı səfəri zamanı qazaxıstanlı həmkarı Nursultan Nazarbayevlə Türkdilli Dövlətlərin Əməkdaşlıq Şurası - Türk Şurasının yaradılmasını müzakirə edəcək. Bu barədə Trend-ə Qazaxıstanın Sənaye və Yeni Texnologiyalar Nazirliyinin mətbuat xidmətindən məlumat verilib.
"Türkiyə Prezidenti Abdullah Gülün səfəri Qazaxıstanla Türkiyə arasında strateji əməkdaşlıq haqqında, eləcə də Türk Şurasının yaradılması haqda yeni müqavilədən irəli gələn ikitərəfli münasibətlərin yeni formatı şərtləri ilə keçiriləcək", - idarədən deyilib.
Türk Şurasının yaradılması haqda saziş ötən ilin oktyabrında Naxçıvanda keçirilən türkdilli dövlət başçılarının IX sammitində imzalanıb.
Türkiyə və Qazaxıstan rəhbərləri qlobal maliyyə böhranı fonunda ticarət-iqtisadi əməkdaşlıq məsələlərinin və 2010-cu ildə vahid gömrük tariflərinin qüvvəyə minməsi ilə işləməyə başlayan Qazaxıstan, Rusiya və Belarus arasında Gömrük İttifaqının yaradılması məsələlərinin geniş dairəsini müzakirə edəcəklər.
