Azərbaycan, Bakı, 24 iyun /Trend, müxbir M.Əliyev/
Azərbaycanın xarici işlər naziri Elmar Məmmədyarov cümə axşamı Avstriya-Azərbaycan Ticarət Palatasının üzvü Qabriel Lanskini və AŞPA-nın keçmiş prezidenti, Beynəlxalq Sülh İnstitutunun direktoru Piter Şideri qəbul edib. Bu barədə XİN-in mətbuat mərkəzinin məlumatında deyilir.
Görüşdə Azərbaycan-Avstriya əlaqələrinin hazırkı vəziyyəti və inkişaf perspektivləri müzakirə edilib, Bakıda Avstriya səfirliyinin açılmasının iqtisadi, mədəni və digər münasibətlərə töhfə verəcəyi qeyd olunub.