Azərbaycan, Bakı, 29 iyun /Trend, müxbir M.Əliyev/
Azərbaycanın müxalif Ümid Partiyası İranın Xudafərin körpüsü yaxınlığında Araz çayı üzərində süni göl yaratması nəticəsində Azərbaycanın işğal altında olan Zəngilan rayonunun Aşağı Ağalı, Orta Ağalı, Məmmədbəyli, Mincivan, Ördəkli, Akara kimi 17 kəndinin su altında qalması ilə bağlı bəyanat yayıb.
"Ümid Partiyası olaraq İran dövlətinin Azərbaycan torpaqlarına olan münasibətini pisləyir, Azərbaycan dövlətini və bütün beynəlxalq aləmi baş vermiş hadisə ilə bağlı obyektiv münasibət bildirməyə çağırırıq", - bəyanatda bildirilir.
Ümid Partiyası hesab edir ki, vəziyyətin daha da gərginləşməməsi üçün bütün rəsmi orqanların və beynəlxalq təşkilatların təxirəsalınmaz müdaxiləsi vacibdir.
