Azərbaycan, Bakı, 2 iyul /Trend, müxbir S.Ağayeva/
Fransa Prezidenti Nikola Sarkozi Azərbaycanla münasibətlərin əhəmiyyətini qeyd edir.
"Fransa Azərbaycanla münasibətlərə mühüm əhəmiyyət verir və ümid edir ki, iki ölkə arasındakı münasibətlər gələcəkdə də inkişaf etməkdə davam edəcək", - Sarkozi Azərbaycanın Fransadakı səfiri Elçin Əmirbəyovla görüşdə deyib. Bu barədə səfir Trend-ə məlumat verib.
Azərbaycanın Fransadakı fövqəladə və səlahiyyətli səfiri cümə günü Yelisey sarayında Prezident Sarkoziyə öz etimadnaməsini təqdim edib.