Azərbaycan, Bakı, 5 iyul /Trend, müxbir S.Ağayeva/
Azərbaycanın Gürcüstandakı səfirliyi Heydər Əliyev Fondunun tapşırığına əsasən humanitar yardım qismində Marneuli rayonunun Sadaxlı kəndinin Mədəniyyət evinin kitabxanasına 50 adda bədii ədəbiyyat (Azərbaycan və xarici) verib. Bu barədə səfirliyin məlumatında deyilir.
Hədiyyə qismində verilən kitablar Azərbaycan Prezidentinin "Azərbaycan dilində latın qrafikası ilə kütləvi nəşrlərin həyata keçirilməsi haqqında" 12 yanvar 2004-cü il tarixli Sərəncamına uyğun olaraq dərc edilib.
Səfirlik əvvəllər də Gürcüstanda fəaliyyət göstərən Azərbaycan mədəniyyət mərkəzləri və məktəblərinə belə kitablar hədiyyə edib.