Azərbaycan Respublikasının Prezidenti İlham Əliyev avqustun 9-da Niderland Krallığının ölkəmizdəki fövqəladə və səlahiyyətli səfiri Jan Lukas İnayat Van Hoornu diplomatik fəaliyyətinin başa çatması ilə əlaqədar qəbul edib, - AzərTAc Dövlət Agentliyi xəbər verir.
Görüşdə ölkəmizlə Niderland Krallığı arasında əlaqələrin həm ikitərəfli münasibətlər səviyyəsində, həm də Azərbaycan-Avropa İttifaqı əməkdaşlığı çərçivəsində inkişaf etdirilməsi üçün yaxşı potensialın olduğu vurğulanıb, ikitərəfli münasibətlərimizin bundan sonra da möhkəmlənəcəyinə əminlik ifadə olunub.
Dövlətimizin başçısı səfirə gələcək fəaliyyətində uğurlar arzulayıb.