Azərbaycan, Bakı, 2 sentyabr /Trend, müxbir T.Hacıyev/
Azərbaycanın müxalif Vətəndaş və İnkişaf (VİP), Liberal (ALP) və Yaşıllar partiyalarının bigrə yaratdıqları seçki blokunun adı müəyyənləşib. VİP sədri Əli Əliyevin cümə axşamı Trend-ə verdiyi məlumata görə, blokun adı "İnsan Naminə" olacaq.
Avqustun 25-də VİP və ALP seçki bloku yaratdıqlarını elan ediblər. Yaşıllar partiyası da bu bloka qoşulacağını bildirib. Bu günə qədər blokun adı ilə bağlı vahid razılıq əldə olunmamışdı.
Azərbaycanda parlament seçkilərinin 2010-cu il noyabrın 7-də keçiriləcəyi gözlənilir. Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində keçirilir.