Azərbaycan, Bakı, 17 sentyabr /Trend, müxbir M.Əliyev/
Avropa Şurası Azərbaycanda keçiriləcək Parlament seçkilərinə jurnalistlərin hazırlığı məqsədilə Bakıda və regionlarda təlimlər aparacaq, - Trend-in məlumatına görə, bunu cümə günü jurnalistlərə AŞ-ın Azərbaycandakı Nümayəndəliyinin rəhbəri Veronika Kotek bildirib.
"Treninqlər həm elektron, həm də çap mediası üçün nəzərdə tutulur", - Kotek bildirib.
Onun sözlərinə görə, AŞ-ın dəstəyi ilə seçicilər üçün xüsusi reklamların hazırlanması da nəzərdə tutulur.
Azərbaycanda parlament seçkiləri 7 noyabr 2010-cu il tarixinə təyin edilib. Bundanəvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində aparılır. Sentyabrın 3-də seçkilərə rəsmi start verilib.