Azərbaycan Prezidenti İlham Əliyev Malta Respublikasının Prezidenti Corc Abelanı ölkəsinin milli bayramı münasibətilə təbrik edib. Məlumatı AzərTAc Dövlət İnformasiya Agentliyi yayıb.
"Milli bayramınız - Müstəqillik günü münasibətilə Sizi və xalqınızı öz adımdan və Azərbaycan xalqı adından ürəkdən təbrik edirəm. Əminəm ki, Azərbaycan ilə Malta arasındakı dostluq əlaqələrinin genişlənməsi əməkdaşlığımızın inkişafı üçün yeni imkanlar açacaqdır", - təbrikdə deyilir.
İlham Əliyev Corc Abelaya ən xoş arzularını yetirib, dost Malta xalqına əmin-amanlıq və firavanlıq diləyib.