Azərbaycan, Bakı, 27 oktyabr /Trend, müxbir S.Süleymanov/
Qazaxıstan Senatının sədri Qasım Comərt Tokayev Azərbaycanın yeni təyin olunmuş səfiri Zakir Həşimovu qəbul edib. Senatın mətbuat xidməti xəbər verib.
Görüş zamanı spiker səfiri yeni vəzifəyə təyin olunması münasibətilə təbrik edib və ona diplomatik missiyanı həyata keçirməkdə uğurlar arzulayıb. Bu barədə Senatın press-relizində verilən məlumatda deyilir.
Qasım Comərt Tokayev beynəlxalq siyasi problemlərin böyük spektri üzrə ümumi baxışları, fəal iqtisadi əməkdaşlıq və siyasi əlaqələri qeyd edərək vurğulayıb ki, Qazaxıstan Azərbaycanla gələcəkdə ikitərəfli münasibətlərin möhkəmlənməsində maraqlıdır.
Parlamentlərarası qarşılıqlı əlaqələrin fəallaşdırılmasının vacibliyini qeyd edən Tokayev Milli Məclisin sədri Oqtay Əsədovun Qazaxıstana rəsmi səfər etmək təklifini təsdiqləyib.
"Qasım Comərt Tokayev Azərbaycan tərəfinə ATƏT-in Qazaxıstan Nümayəndəliyinin təşəbbüslərinə dəstəyinə görə və Prezident Nursultan Nazarbayevin təşəbbüsü ilə yaradılmış Türkdilli Dövlətlərin Parlament Assambleyasının inkişafına verdiyi töhfələrə görə təşəkkür edib", - press-relizdə deyilir.
Spiker, həmçinin, ATƏT-in Parlament Assambleyası çərçivəsində parlamentarilərin səmərəli qarşılıqlı fəaliyyətini qeyd edib.
Qazaxıstan növbəti il İslam Konfransı Təşkilatına rəhbərlik edəcək ki, bu da spikerin sözlərinə görə, "Bu təşkilat çərçivəsində iki ölkənin fəal qarşılıqlı fəaliyyəti üçün səbəbdir".
Səfir Həşimov "Əsrlərin tarixi, mədəni və mənəvi köklərini əlaqələndirən iki qardaş xalq arasında ikitərəfli münasibətlərin gələcəkdə möhkəmlənməsi" barədə çıxış edib.
Azərbaycan Parlamentində Qazaxıstan-Azərbaycan dostluq qrupu fəaliyyət göstərir.
