Azərbaycan, Bakı, 7 noyabr /Trend, müxbir H.Vəliyev/
Saat 10:30-a olan məlumata görə, "Parlament -2010" seçki monitorinqi koalisiyasının təşkil etdiyi elektron səsvermədə 2700 seçici iştirak edib. Bu barədə bazar günü Trend-ə koalisiyanın təmsilçisi Aydın Kərimov bildirib.
"Müşahidələrimizə əsasən, saat 10:30-a olan məlumata görə, seçicilərin 10 faizi artıq səsvermədə iştirak edib", - Kərimov deyib.
Respublikanın 80 seçki dairəsində "Parlament -2010" seçki monitorinqi koalisiyasının 3087 müşahidəçisi səsvermənin gedişini izləyir.
Azərbaycanda parlament seçkisi ilə bağlı səsvermə yerli vaxtla saat 08:00-da başlayıb.
MSK-nın rəsmi məlumatına görə, parlament seçkilərində 690 namizəd mübarizə aparır.