Azərbaycan, Bakı, 17 dekabr /Trend, müxbir M.Əliyev/
TÜRKPA-nın baş katibi Ramil Həsənov cümə günü Türkdilli Dövlətlərin Əlaqələndirmə Şurasının katibi səfir Halil Akıncı ilə birgə fəaliyyətin, ortaq layihələrin həyata keçirilməsini müzakirə edib.
Görüş zamanı Halil Akıncı TÜRKPA-nın fəaliyyətinə xüsusi önəm verdiklərini, Türkdilli Dövlətlərin Əlaqələndirmə Şurasının beynəlxalq təşkilat kimi güclənməsi və inkişaf etməsində TÜRKPA-nın təcrübələrindən də faydalanmağa maraqlı olduqlarını bildirib.
Mərkəzi ofisi İstanbulda olan Türkdilli Dövlətlərin Əlaqələndirmə Şurası Azərbaycan, Qazaxıstan, Qırğızıstan və Türkiyə prezidentləri tərəfindən, Türkmənistan prezidentinin də qonaq statusunda iştirakı ilə yaradılıb.