Azərbaycan, Bakı, 7 aprel /Trend, müxbir S.Ağayeva/
Ukraynanın Azərbaycandakı yeni fövqəladə və səlahiyyətli səfiri Aleksandr Mişenko Bakıya gəlib və öz vəzifə səlahiyyətlərinin icrasına başlayıb. Bu barədə cümə axşamı Trend-ə səfirlikdən məlumat verilib.
Azərbaycana səfir təyin olunanadək Mişenko Ukrayna XİN-in dördüncü ərazi departamentinin direktoru (departamentin səlahiyyətlərinə Mərkəzi, Şərqi Avropa, Balkan regionu, Cənubi Qafqaz regionu ölkələri və Türkiyə daxildir) işləyib.
Mişenko 2003-2005-ci illərdə Ukraynanın Avstraliyada, 2005-2008-ci illərdə isə Türkiyə Respublikasında səfiri olub.
Fövqəladə və səlahiyyətli səfir diplomatik rütbəsinə malikdir.