Azərbaycan, Bakı, 6 may /Trend, müxbir M.Əliyev/
Milli Məclisin sədri Oqtay Əsədov Böyük Vətən müharibəsinin iştirakçısı olan, "ön cəbhədə olduğu kimi, arxa cəbhədə də şücaət göstərən" azərbaycanlı veteranları Qələbə Günü münasibətilə təbrik edib.
Trend-in məlumatına görə, spiker Prezident İlham Əliyevin rəhbərliyi altında Azərbaycan xalqının yaxın vaxtlarda Azərbaycan tarixinə yeni qələbə günü - işğal edilmiş ərazilərin azad edildiyi günü gətirəcəyinə inamını ifadə edib.