Azərbaycan Prezidenti İlham Əliyev Kanadanın General-Qubernatoru Devid Constonu təbrik edib. Məlumatı cümə axşamı Prezidentin rəsmi saytı yayıb.
"Milli bayramınız - Kanada günü münasibətilə Sizi və bütün xalqınızı öz adımdan və Azərbaycan xalqı adından ürəkdən təbrik edirəm.
Əminəm ki, Azərbaycan-Kanada dövlətlərarası münasibətləri, dostluq əlaqələrimiz, ikitərəfli və çoxtərəfli qaydada əməkdaşlığımız xalqlarımızın mənafelərinə uyğun olaraq bundan sonra da inkişaf edəcək və genişlənəcəkdir", - təbrikdə deyilir.
İlham Əliyev Devid Constona ən xoş arzularını yetirib, dost Kanada xalqına əmin-amanlıq və firavanlıq diləyib.