Azərbaycan, Bakı, 23 sentyabr /Trend, müxbir S.Əliyev/
Bakıda cümə günü Azərbaycanın dövlət müstəqilliyinin 20-ci ildönümü münasibətilə beynəlxalq tədbir işə başlayıb. Azərbaycan Prezidenti İlham Əliyev tədbirin açılış mərasimində iştirak edib. Dövlət başçısı konfransda çıxış edib.
Trend-in məlumatına görə, Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) təşkilatçılığı ilə keçirilən tədbirdə dünyanın 58 ölkəsindən 300-dən artıq tanınmış ictimai-siyasi xadim, o cümlədən, Avropa Parlamenti, Avropa Şurası Parlament Assambleyası, ATƏT, AVRONEST, Avropa ölkələri parlamentlərinin deputatları, hazırkı və keçmiş dövlət xadimləri, "Nobel" mükafatı laureatları, ABŞ-ın regional spikerləri, keçmiş konqresmen və senatorlar, alim və biznesmenlər iştirak edirlər.
Konfrasda Azərbaycanın müstəqillik illərinə aid sənədli film nümayiş etdirilib.
Tədbir sabah başa çatacaq.
Prezident İlham Əliyev Azərbaycanın dövlət müstəqilliyinin 20-ci ildönümü münasibətilə keçirilən tədbirdə iştirak edib
Bakıda cümə günü Azərbaycanın dövlət müstəqilliyinin 20-ci ildönümü münasibətilə beynəlxalq tədbir işə başlayıb.