Azərbaycan, Bakı, 1 oktyabr /Trend, müxbir M.Əliyev/
Azərbaycan Mərkəzi Seçki Komissiyasının nəzdində vətəndaşların seçki hüququnu pozan hərəkətlərdən (hərəkətsizlikdən) və qərarlardan şikayətlərin araşdırılması məqsədilə ekspert qrupu yaradılıb.
Trend-in məlumatına görə, bu barədə MSK-nın şənbə günü keçirilən iclasında qərar qəbul edilib.
MSK üzvü Arifə Muxtarova iclasda bildirib ki, ekspert qrupu seçki komissiyalarına daxil olmuş şikayətlərin obyektiv araşdırılması məqsədi ilə yaradılıb.
O bildirib ki, qrup 9 nəfərdən ibarət olacaq, həmçinin dairələrdə ekspertlər fəaliyyət göstərəcək.
MSK sədri Məzahir Pənahov bildirib ki, ekspert qrupunun işinin koordinasiyasını Arifə Muxtarova həyata keçirəcək.
Azərbaycanda bəzi bələdiyyələrə təkrar seçkilər noyabrın 30-da keçiriləcək.