Azərbaycan, Bakı, 1 dekabr /Trend, müxbir D.Xatınoğlu/
25 ölkənin diplomat və səfirləri Böyük Britaniyanın İrandakı səfirliyinə baş çəkiblər. Bu barədə cümə axşamı Trend "Fars" informasiya agentliyinə istinadən məlumat verir.
Rusiya, İsveçrə, Polşa, Macarıstan, Yeni Zelandiya, Kipr, Finlandiya, Çexiya və digər ölkələrin diplomatları Böyük Britaniyanın səfirliyində olublar.
İranlı polislər onların İran hökumətindən rəsmi razılıq almadan səfirliyə daxil olmalarına imkan vermirdi, lakin razılaşmadan sonra onlara səfirliyə daxil olmağa icazə verilib.
İranlı tələbələr çərşənbə axşamı Böyük Britaniyanın İrandakı səfirliyinin əsas binasına daxil olublar. Onlar Böyük Britaniya kraliçası II Yelizavetanın portretini cırıb və Britaniya bayrağını yandırıblar.
BMT Təhlükəsizlik Şurası səfirliyə hücumu pisləyib və İran hakimiyyətini diplomatların təhlükəsizliyini təmin etməyə çağırıb.