...

Türkiyədə terrorizmdə şübhəli bilinən 25 nəfər saxlanılıb

Siyasət Materials 20 Dekabr 2011 10:32 (UTC +04:00)
Türkiyə təhlükəsizlik qüvvələrinin xüsusi əməliyyatları zamanı İstanbulda 25 nəfər saxlanılıb. Trend-in məlumatına görə, bu barədə "TRT Haber" telekanalı məlumat verib.
Türkiyədə terrorizmdə şübhəli bilinən 25 nəfər saxlanılıb

Trend-i buradan izləyin

Azərbaycan, Bakı, 20 dekabr / Trend, müxbir A.Tağıyeva /

Türkiyə təhlükəsizlik qüvvələrinin xüsusi əməliyyatları zamanı İstanbulda 25 nəfər saxlanılıb. Trend-in məlumatına görə, bu barədə "TRT Haber" telekanalı məlumat verib.

Saxlanılanlar bir sıra terror aktlarında əli olmaqda və Kürd Fəhlə Partiyasından olan terrorçulara yardım etməkdə şübhəli bilinirlər.

PKK yaraqlıları həm dinc sakinlərə, həm də ölkənin təhlükəsizlik qüvvələrinə qarşı terror aktlarının sistematik olaraq gücləndirirlər. Belə ki, sentyabrın 22-də PKK-nın hərbi qanadı olan "Kürdüstan Azadlıq Şahinləri" (KAŞ) radikal qruplaşması Ankarada 3 nəfərin həlak olması, 34 nəfərin yaralanması ilə nəticələnən partlayışa görə məsuliyyəti öz üzərinə götürüb.

Türkiyə ilə PKK arasında münaqişə 25 ildən artıqdır davam edir. Bu münaqişə 40 mindən artıq insanın həyatına son qoyub. PKK BMT, eləcə də Ankaranın tamhüquqlu üzv kimi daxil olmağa çalışdığı Aİ tərəfindən terror təşkilatı kimi tanınıb.

Bundan əvvəl PKK yaraqlıları Türkiyə hakimiyyətini çoxillik kürd probleminin həlli ilə bağlı konkret addımlar atılmayacağı təqdirdə silahlı qarşıdurmaların fəallaşacağı ilə hədələyib.

Xəbər lenti

Xəbər lenti