...

Aİ Qonşuluq Siyasəti ölkələri ilə əlaqələrin möhkəmləndirilməsinə xüsusi diqqət yetirəcək

Siyasət Materials 6 Yanvar 2012 15:35 (UTC +04:00)
Danimarka Avropa İttifaqına sədrliyi dövründə Avropa Qonşuluq Siyasəti proqramına daxil olan ölkələrlə əlaqələrin möhkəmləndirilməsinə xüsusi diqqət yetirəcək.
Aİ Qonşuluq Siyasəti ölkələri ilə əlaqələrin möhkəmləndirilməsinə xüsusi diqqət yetirəcək

Azərbaycan, Bakı, 6 yanvar /Trend, müxbir E.Mehdiyev/

Danimarka Avropa İttifaqına sədrliyi dövründə Avropa Qonşuluq Siyasəti proqramına daxil olan ölkələrlə əlaqələrin möhkəmləndirilməsinə xüsusi diqqət yetirəcək.

Trend-in cümə günü Aİ-nin rəsmi saytına istinadən yaydığı məlumata görə, Danimarka hökuməti Aİ-yə altı aylıq sədrliyi dövründə əsas prioritetlərini açıqlayıb.

Danimarkanın sədrliyinin əsas proritetləri məsuliyyətli, dinamik, yaşıl və təhlükəsiz Avropa olacaq.

Həmçinin, Danimarka yenilənmiş Qonşuluq Strategiyasının həyata keçirilməsinə xüsusi önəm verəcək. Aİ-nin Şərq Tərəfdaşlığı proqramına daxil olan ölkələrlə əlaqələrin möhkəmləndirilməsi Danimarkanın qarşısında duran əsas məsələlərdən biridir.

Avropa İttifaqı və Azərbaycan arasında 1999-cu ildə qüvvəyə minmiş tərəfdaşlıq və əməkdaşlıq haqqında saziş mövcuddur, eləcə də 2003-cü ildən fəaliyyət göstərən Avropa Mehriban Qonşuluq Siyasəti çərçivəsində əməkdaşlıq həyata keçirilir.

2009-cu ilin mayında Azərbaycanla Aİ arasında münasibətlər yeni mərhələyə - təşəbbüskarı Polşa və İsveç olan Şərq Tərəfdaşlığı proqramı çərçivəsində əməkdaşlığa keçib.

Şərq Tərəfdaşlığı proqramı Aİ-nin Qonşuluq Siyasəti çərçivəsində altı postsovet ölkə - Azərbaycan, Ermənistan, Gürcüstan, Moldova, Belarus və Ukrayna ilə siyasi və iqtisadi əlaqələrin yaxşılaşdırılmasına yönəldilib.

Proqram Aİ-yə üzvlük imkanını deyil, viza rejiminin sadələşdirilməsi, energetika sahəsində əməkdaşlıq, azad ticarət zonalarının tətbiqini nəzərdə tutur. Tələbə mübadiləsi, ətraf mühitin qorunması, enerji təchizatı üzrə kiçik layihələr də həyata keçiriləcək.

Xəbər lenti

Xəbər lenti