Azərbaycan, Bakı, 18 yanvar /Trend/
Xarici işlər naziri Elmar Məmmədyarov ABŞ dövlət katibinin köməkçisinin Avropa və Avrasiya məsələləri üzrə müavini Erik Rubini qəbul edib.
XİN-in mətbuat xidmətindən çərşənbə günü Trend-ə verilən məlumata görə, nazir Azərbaycanla ABŞ arasında münasibətlərin müsbət templə inkişaf etdiyini diqqətə çatdıraraq, müxtəlif sahələrdə əməkdaşlığın daha da genişləndirilməsinin vacibliyini qeyd edib.
Erik Rubin beynəlxalq sülhün təmin olunmasında Azərbaycan tərəfinin verdiyi töhfəni yüksək qiymətləndirib.
Görüş zamanı tərəflər arasında enerji sahəsində əməkdaşlıq məsələləri, Yaxın Şərq və Cənubi Qafqazdakı vəziyyət, Ermənistan-Azərbaycan, Dağlıq Qarabağ münaqişəsinin sülh yolu ilə həlli istiqamətində aparılan danışıqların son durumu və bir sıra qarşılıqlı maraq kəsb edən məsələlər ətrafında fikir mübadiləsi aparılıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
