Azərbaycan, Bakı, 25 yanvar / Trend müxbir M.Əliyev/
Hakim Yeni Azərbaycan Partiyasının növbəti qurultayı Nizamnamədə müəyyən edilmiş müddət çərçivəsində keçiriləcək. Bunu Trend-ə YAP-ın sədr müavini, icra katibi Əli Əhmədov deyib.
"Yeni Azərbaycan Partiyasının qurultaylarının keçirilməsi partiyanın Nizamnaməsi ilə tənzim olunur. Ya partiya sədrinin qurultay çağırılması ilə bağlı tapşırığı olur, ya da İdarə Heyətinin, Siyasi Şuranın qərarına istinad edilir. Bunlardan kənar partiyanın qurultayının keçirilməsi ilə bağlı partiya daxilində hərəkət olarsa, müəyyən sayda partiya üzvlərinin tələbi əsasında qurultay keçirilə bilər", - Əhmədov bildirib.
Onun sözlərinə görə, YAP-ın son qurultayı 2008-ci ilin avqust ayında keçirilib.
Qeyd edək ki, Nizamnaməyə görə, partiyanın qurultayı 4 ildən gec olmayaraq keçirilməlidir.
Azərbaycanın hakim partiyasının qurultayı Nizamnamədə müəyyən edilmiş müddətdə keçiriləcək
Hakim Yeni Azərbaycan Partiyasının növbəti qurultayı Nizamnamədə müəyyən edilmiş müddət çərçivəsində keçiriləcək. Bunu Trend-ə YAP-ın sədr müavini, icra katibi Əli Əhmədov deyib.
