Azərbaycan, Bakı, 17 fevral /Trend/
ATƏT-in baş katibi Lamberto Zannier Dağlıq Qarabağ münaqişəsi zonasındakı təmas xəttində insidentlərin araşdırılması mexanizmlərinin yaradılmasının əhəmiyyətini vurğulayıb. Bu barədə Ermənistan XİN-in mətbuat xidməti məlumat verib.
"Lamberto Zannierin Ermənistanın xarici işlər naziri Edvard Nalbandyanla Vyanada keçirilən görüşündə Qarabağ probleminin nizamlanması prosesi ətrafında son inkişaf müzakirə edilib", - məlumatda deyilir.
Bu kontekstdə ATƏT-in baş katibi təmas xəttində gərginliyin saxlanması ilə bağlı narahatlığını ifadə edib. Trend-in məlumatına görə, "Novosti-Armeniya" yazır.
