...

Mübariz Qurbanlı: İctimai Palatanın mitinqi səmərəsiz olacaq

Siyasət Materials 5 Aprel 2012 16:02 (UTC +04:00)
Hakim Yeni Azərbaycan Partiyası (YAP) İctimai Palatanın 8 aprel aksiyasının heç bir səmərəsi olmayacağını hesab edir.
Mübariz Qurbanlı: İctimai Palatanın mitinqi səmərəsiz olacaq

Azərbaycan, Bakı, 5 aprel /Trend, müxbir E.Mehdiyev/

Hakim Yeni Azərbaycan Partiyası (YAP) İctimai Palatanın 8 aprel aksiyasının heç bir səmərəsi olmayacağını hesab edir.

"Onların tədbirlərinin heç bir effekti olmayacaq. Ona görə olmayacaq ki, bu gün ölkə Prezidentinin siyasətini əksəriyyət müdafiə edir, müxalifətinsə siyasi aksiyalarına əhali dəstək vermir və verməyəcək", - bunu Trend-ə YAP icraçı katibinin müavini, millət vəkili Mübariz Qurbanlı deyib.

Onun sözlərinə görə, çünki həmin müxalifətin irəli sürdüyü şüarlar, iddialar heç nəyə, heç bir proqrama söykənmir, yalnız və yalnız ayrı-ayrı özünü siyasətçi adlandıran müxalifətçilərin suyun üzündə qalmasını göstərməyə cəhddən başqa bir şey deyil.

Qurbanlı qeyd edib ki, onların sosial bazası yoxdur və keçirdiyi tədbirlər də çox sönük və mənasız tədbirlər silsiləsindəndir.

Xəbər lenti

Xəbər lenti