Azərbaycan, Bakı, 16 may /Trend/
Mayın 15-də Moskvada Azərbaycan Prezidenti İlham Əliyev Moldova Respublikasının Prezidenti Nikolaye Timofti ilə görüşüb.
Əlaqələrimizin müxtəlif sahələrdə inkişafından məmnunluq ifadə olunan görüşdə dövlət başçıları Azərbaycan ilə Moldova arasında enerji, sərmayələrin yatırılması və digər sahələrdə əməkdaşlığın inkişafı üçün böyük potensialın olduğunu qeyd ediblər. İkitərəfli münasibətlərin bundan sonra da uğurla inkişaf edəcəyinə əminlik ifadə olunub.