Azərbaycan, Bakı, 1 sentyabr /Trend, müxbir A.Tağıyeva/
İrana işləyən 9 casusun tutulmasından sonra Türkiyə xüsusi xidmət orqanları müəyyən ediblər ki, 2012-ci ilin mart ayından İran bu ölkəyə yaxşı təlim keçmiş daha 100 casus göndərib. Bu barədə Trend şənbə günü Türkiyə mətbuatına istinadən məlumat verir.
Məlumata görə, casuslar Türkiyə ərazisinə jurnalist və ya səfirlik əməkdaşı adı ilə keçiblər. Casuslar terrorçu Kürd Fəhlə Partiyasının (PKK) üzvləri ilə təmas yaradıb, hərbi obyektlər və Suriya qaçqınları barədə məlumat toplayıblar.
Casuslar, əsasən, ölkənin şərq və cənub-şərq əyalətlərində fəaliyyət göstəriblər.
Bundan əvvəl Türkiyənin İğdır əyalətində İran lehinə casusluq etməkdə şübhəli bilinən 9 nəfər saxlanılmışdı.