Azərbaycan, Bakı, 9 aprel/Trend, müxbir A. Tağıyeva/
Türkiyənin rəsmi şəxsləri yenidən Ermənistan prezidenti seçilən Serj Sarkisyanın andiçmə mərasimində iştirak etməyəcəklər. Bu barədə çərşənbə axşamı Trend-ə Türkiyə Xarici İşlər Nazirliyindən (XİN) məlumat veriblər.
"Türkiyə Yerevanda keçiriləcək Ermənistan prezidentinin inauqurasiya mərasimində təmsil olunmayacaq", - XİN-dən deyiblər.
İnauqurasiya mərasimi aprelin 9-da Karen Demirçyan adına İdman Konsert Kompleksində baş tutacaq.