Prezident İlham Əliyev Şirvan şəhərində səfərdədir (FOTO)

Azərbaycan, Bakı, 1 iyul /Trend/

İyulun 1-də Azərbaycan Respublikasının Prezidenti İlham Əliyev Şirvan şəhərinə səfərə gəlib.

Dövlətimizin başçısı əvvəlcə xalqımızın ümummilli lideri Heydər Əliyevin Şirvan şəhərinin mərkəzində ucaldılmış abidəsi önünə gül dəstəsi qoydu.

Şəhər İcra Hakimiyyətinin başçısı Mərdan Camalov Şirvanda görülmüş işlər barədə Azərbaycan Prezidentinə məlumat verdi.