Azərbaycan, Bakı, 22 mart /Trend/
Polşa ABŞ-dan NATO-nun şərq sərhədlərində hərbi mövcudluğunu genişləndirməyi xahiş edir. Trend-in RİA Novosti-yə istinadən verdiyi məlumata görə, bunu Polşanın müdafiə naziri Tomaş Semonyak deyib.
O, RMF FM radiosunun efirində ötən çərşənbə axşamı ABŞ-ın vitse-prezidenti Co Baydenin Polşada olduğunu xatırladıb.
T.Semonyakın sözlərinə görə, ABŞ nümayəndəsi ilə danışıqlar zamanı aydın şəkildə qeyd olundu ki, Polşa Şərqi Avropa tərəfi - NATO müttəfiqi olaraq, Birləşmiş Ştatların Avropada daha böyük hərbi mövcudluğuna ümid edir: "NATO-nun şərq cinahı gücləndirilməlidir".