Azərbaycan, Bakı, 12 aprel /Trend/
Azərbaycan Respublikası Prezidentinin Administrasiyasına yeni şöbə müdiri təyin edilib.
Trend-in məlumatına görə, Azərbaycan Prezidenti İlham Əliyev Səadət Vidadi qızı Yusifovanın Azərbaycan Respublikası Prezidentinin Administrasiyasının Siyasi təhlil və informasiya təminatı şöbəsinin müdiri təyin edilməsi haqqında sərəncam verib.
S.Yusifova buna qədər Prezident Administrasiyasının Hüquq-mühafizə orqanları ilə iş şöbəsində baş məsləhətçi vəzifəsində çalışıb.
Qeyd edək ki, bu vəzifəni bundan əvvəl Elnur Aslanov icra edib. O, bir müddət bundan əvvəl ölkə Prezidentinin sərəncamı ilə vəzifəsindən azad edilmişdi.