Azərbaycan, Bakı, 21 iyun/Trend, müxbir Rufiz Hafizoğlu/
İraqda vətəndaş müharibəsi gedir. Trend-in şənbə günü "Sabah" qəzetinə istinadən verdiyi məlumata görə, bunu Türkiyənin xarici işlər naziri Əhməd Davudoğlu deyib.
Onun sözlərinə görə, hazırda İraqdakı vəziyyət Türkiyəyə heç cür təsir edə bilməz: "Bütün ölkələr terrorçulara qarşı bir-birini məlumatlandırmaqla mübarizə aparmalıdır".
Qeyd edək ki. "İraq və Şam İslam Dövləti" qruplaşmasının silahlıları iyunun 10-da ölkənin Mosul şəhərini, ardından sonra bir sıra yaşayış məntəqələrini, o cümlədən Tikrit şəhərini ələ keçirmişdilər.