Azərbaycan, Bakı, 22 avqust / Trend, müxbir Səbinə Əhmədova/
Britaniyalı diplomatlar Bakıda toplaşıblar.
Trend-in səfirliyin Twitter səhifəsinə istinadən verdiyi məlumata görə, Böyük Britaniyanın Gürcüstandakı və Ermənistandakı səfirləri Aleksandra Hol Hol (Alexandra Hall Hall) və Ketrin Ceyn Liç (Katherine Jane Leach), ölkənin İstanbuldakı baş konsulu Li Türnr (Leigh Turner), Xarici İşlər Nazirliyinin nümayəndəsi və regional və rəhlükəsizlik məsələləri üzrə nümayəndəsi Bakıdadırlar. Böyük Britaniyanın Azərbaycandakı Səfiri İrfan Sıddıq da müzakirələrdə iştirak edir.
Diplomatların Bakıya səfərinin məqsədi regional məsələri müzakirə etməkdir.
Qeyd edək ki, Britaniyalı diplomatların bu görüşü hər il baş tutur. Sözügedən görüş ötən il Gürcüstanda keçirilib.