...

ABŞ və Rusiya prezidentləri müxalifətçi Boris Nemtsovun qətlə yetirilməsini pisləyiblər

Siyasət Materials 28 Fevral 2015 08:12 (UTC +04:00)
Rusiyanın tanınmış siyasətçisi, müxalifət liderlərindən olan Boris Nemtsov bu gecə Moskvanın mərkəzində küçədə ağ avtomobildən atılan atəşlə qətlə yetirilib
ABŞ və Rusiya prezidentləri müxalifətçi Boris Nemtsovun qətlə yetirilməsini pisləyiblər

Azərbaycan, Bakı, 28 fevral /Trend/

ABŞ-nın prezidenti Barak Obama Rusiyalı müxalifətçi Boris Nemtsovun "qəddar şəkildə" qətlə yetirilməsini ciddi pisləyib.

"Biz Rusiyanı tez, qərəzsiz və şəffaf istintaq aparmağa və günahkarları ədalət qarşısına çıxarmağa çağırırıq", - deyə, ABŞ Milli Təhlükəsizlik Şurasının məlumatında bildirilir.

Trend İnterfaks agentliyinə istinadan məlumat verir ki, Rusiya prezidenti Vladimir Putin mərhumun ailəsinə başsağlığı verib, ölkənin istintaq komitəsinin, DİN və FTX rəhbərlərinə istintaqı şəxsi nəzarət altında saxlamağı tapşırıb.

Putin Həm də bildirib ki, Nemtsovun qətlə yetirilməsi "siyasi provokasiyadır".

Xatırladaq ki, Rusiyanın tanınmış siyasətçisi, müxalifət liderlərindən olan Boris Nemtsov bu gecə Moskvanın mərkəzində küçədə ağ avtomobildən atılan atəşlə qətlə yetirilib. Bir neçə dəfə atılan atəş nəticəsində Nemtsov hadisə yerində keçinib.

Rusiya istintaq komitəsinin xüsusi nümayəndəsi Vladimir Markin baş verən cinayətlə bağlı açıqlama verib ki, Boris Nemtsova naməlum şəxslər 7-8 dəfə atəş açıblar. Markin bildirib ki, Nemtsov qətlə yetirilən gün Kiyevdən Moskvaya gəlib.

Məqalədə:
Xəbər lenti

Xəbər lenti