Azərbaycan, Bakı, 4 mart /Trend, müxbir İlkin İzzət/
NATO nümayəndələri Hərbi Hava Qüvvələrinin (HHQ) zabitləri üçün kurs keçir.
Müdafiə Nazirliyinin mətbuat xidmətindən Trend-ə bildiriblər ki, martın 4-də Silahlı Qüvvələrin Təlim və Tədris Mərkəzində NATO-nun Almaniyada yerləşən Hərbi Hava Qüvvələri Komandanlığının mobil təlim qrupu tərəfindən kurs başlayıb.
Tədbirdə Azərbaycan Hərbi Hava Qüvvələrinin mütəxəssisləri üçün şəxsi heyətin birgə axtarış və xilas edilməsi əməliyyatlarında iştirakına, o cümlədən bu sahədə fəaliyyətlərin təkmilləşdirilərək NATO standartlarına uyğunlaşdırılmasına dair təqdimatların verilməsi nəzərdə tutulub.
Təlim martın 6-dək davam edəcək.