Bakı. Trend:
Konstitusiya Məhkəməsinin Plenumu iyulun 25-də Azərbaycan Konstitusiyasına dəyişikliklərlə bağlı layihəyə baxacaq.
Trend-in məlumatına görə, bu barədə Konstitusiya Məhkəməsinin mətbuat xidmətinin məlumatında bildirilir.
2016-cı il iyulun 18-də Azərbaycan Respublikası Prezidenti tərəfindən Azərbaycan Respublikası Konstitusiyasının 153-cü maddəsinin tələbinə əsasən Azərbaycan Respublikası Konstitusiya Məhkəməsinin rəyinin alınması üçün təqdim olunmuş “Azərbaycan Respublikasının Konstitusiyasında dəyişikliklər edilməsi haqqında” Azərbaycan Respublikasının Referendum Aktının layihəsi ilə bağlı Azərbaycan Respublikası Konstitusiya Məhkəməsi Plenumunun iclası iyul ayının 25-i saat 10:00-a təyin olunub.