Bakı. Səba Ağayeva - Trend:
Azərbaycan Bosniya və Herseqovina ilə ikitərəfli əməkdaşlığın gələcək inkişaf yollarını müəyyən edib.
Trend-in məlumatına görə, bunu Azərbaycan XİN rəhbəri Elmar Məmmədyarov Bosniya və Herseqovinanın xarici işlər naziri İqor Çrnadak ilə keçirilən görüşdən sonra məbuat nümayəndələri üçün təşkil edilmiş brifinqdə deyib.
Azərbaycanlı nazir bildirib: "Əməkdaşlığımızın prioritet sahələri energetika, Böyük İpək Yolu, nəqliyat sahələrində əməkdaşlıqdır. Həmçinin təhsuil sahəsində əməkdaşlığın yaxşı perspektivləri var. İki ölkə adarsında eləcə də hüquqi baza möhkəmləndirilməlidir".