Bakı. Ləman Zeynalova - Trend:
Avropa İttifaqının (Aİ) Bakıdakı nümayəndəliyi gələn həftə ilk dəfə Azərbaycandakı dini konfessiyaların nümayəndələrinin Brüsselə səfərini təşkil edəcək.
Trend-in məlumatına görə, bunu jurnalistlərə Aİ-nin Azərbaycandakı nümayəndəliyinin yeni təyin olunmuş rəhbəri Kestutis Yankauskas deyib.
O qeyd edib ki, səfər sentyabrın 25-dən 28-dək davam edəcək.
K.Yankauskas əlavə edib ki, səfərin ilk günündə Avropa təşkilatlarında, ikinci günündə isə NATO mənzil-qərargahında müzakirələr keçiriləcək:
“Azərbaycanın tolerantlıq ənənələrinə malik olduğunu nəzərə alsaq, bu dialoq çox vacibdir. Biz ümid edirik ki, bu səfər Aİ ilə Azərbaycan arasında qarşılıqlı anlaşmanın daha da yaxşılaşmasına xidmət edəcək”.