...

Azərbaycan XİN: Lavrov-Nalbandyan görüşündə təmas xəttində Ermənistanın hərbi toqquşmaları təhrik etməyə cəhd göstərilməsi müzakirə olunmalı idi

Siyasət Materials 26 Aprel 2018 17:40
Müzakirə olunmalı əsas məsələ Ermənistanın keçmiş hərbi diktatura rejiminin təmas xəttində hərbi toqquşmaları təhrik etməyə cəhd göstərməsidir.
Azərbaycan XİN: Lavrov-Nalbandyan görüşündə təmas xəttində Ermənistanın hərbi toqquşmaları təhrik etməyə cəhd göstərilməsi müzakirə olunmalı idi

Trend-i buradan izləyin

Bakı. Trend:

Müzakirə olunmalı əsas məsələ Ermənistanın keçmiş hərbi diktatura rejiminin təmas xəttində hərbi toqquşmaları təhrik etməyə cəhd göstərməsidir.

Bunu Trend-in sorğusuna cavab olaraq, Rusiya və Ermənistanın xarici işlər nazirləri Sergey Lavrov və Edvard Nalbandyan tərəfindən Ermənistan və Azərbaycan silahlı qüvvələrinin təmas xəttində vəziyyətin müzakirə olunmasına münasibət bildirən Azərbaycan Xarici İşlər Nazirliyinin (XİN) Mətbuat xidmətinin rəhbəri Hikmət Hacıyev bildirib.

O qeyd edib ki, müzakirə olunmalı əsas məsələ Ermənistanın keçmiş hərbi diktatura rejiminin ölkədaxili siyasi məqsədlər üçün təxribat məqsədilə Azərbaycanın işğal olunmuş əraziləri boyunca, Ermənistan və Azərbaycan silahlı qüvvələrinin təmas xəttində vəziyyəti gərginləşdirməyə və hərbi toqquşmaları təhrik etməyə cəhd göstərməsidir:

"Qeyd etdiyimiz kimi, Serj Sarkisyanın hərbi diktatura rejiminin hakimiyyətdən getməsindən sonra Ermənistanda hakimiyyətə gələcək sağlam siyasi qüvvələrlə Ermənistan-Azərbaycan, Dağlıq Qarabağ münaqişəsinin beynəlxalq hüququn norma və prinsipləri və BMT Təhlükəsizlik Şurasının müvafiq qətnamələri əsasında tezliklə həlli üzrə danışıqlara hazırıq".

Məqalədə:
Xəbər lenti

Xəbər lenti