...

Baş Qərargah rəisi HHQ-də toplanışın gedişatını izləyib (FOTO)

Siyasət 18 Yanvar 2022 19:00
Baş Qərargah rəisi HHQ-də toplanışın gedişatını izləyib (FOTO)

Trend-i buradan izləyin

Bakı. Trend:

Müdafiə naziri general-polkovnik Zakir Həsənovun tapşırığına əsasən Müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev Hərbi Hava Qüvvələrinin (HHQ) hərbi hissələrindən birində olub.

Müdafiə Nazirliyindən Trend-ə verilən məlumata görə, HHQ-nin şəxsi heyəti ilə görüşən Baş Qərargah rəisi hava hücumundan müdafiə rəisləri, zenit-raket divizionlarının komandirləri ilə keçirilən təlim-metodiki toplanışda iştirak edib.

General-polkovnik K.Vəliyev döyüş qabiliyyətinin daha da artırılması və döyüşə hazır olma vəziyyətinin yüksək səviyyədə saxlanılması, hava məkanımızın etibarlı qorunması, döyüş növbətçiliyinin keyfiyyətli təşkili və aparılması ilə bağlı tapşırıqlar verib.

Sonda Baş Qərargah rəisi şəxsi heyətin qayğıları ilə maraqlanıb və Müdafiə nazirinin müvafiq tapşırıqlarını aidiyyəti üzrə vəzifəli şəxslərə çatdırıb.

Məqalədə:
Xəbər lenti

Xəbər lenti