Bakı. Trend:
Qarabağın bərpası gündəmdə olan mühüm məsələdir.
Bunu Beynəlxalq Mərkəzin həmsədri , Nizami Gəncəvi Beynəlxalq Mərkəzinin həmsədri, Dünya Bankının sabiq vitse-prezidenti İsmail Seragəldin IX Qlobal Bakı Forumunun qonaqlarının iştirakı ilə keçirilən mətbuat konfransında Trend-in sualını cavablandırarkən deyib.
"Qarabağ bölgəsinin bərpası və inkişafı bütövlükdə Azərbaycanın inkişafında mühüm məsələdir",- deyə İ.Seragəldin bildirib.
Onun sözlərinə görə, bu gün Qarabağ bölgəsinin gələcək inkişafına əngəl törədən ərazilərin minalardan təmizlənməsi ən çətin məsələdir:
"İlk növbədə insanların öz torpaqlarına, öz evlərinə qayıtması vacibdir".
O qeyd edib ki, Qarabağda artıq uğurlu inkişaf başlayıb:
"Qarabağ bölgəsi bir çox iqtisadi sahələrdə, o cümlədən enerji sahəsində inkişaf potensialına malikdir. Ümid edirik ki, bərpa prosesi həm enerji sahəsində, həm də digər sahələrdə dayanıqlı inkişafa gətirib çıxaracaq".