Bakı. Trend:
Türkiyənin Azərbaycandakı səfirliyi Gəncə terroru ilə bağlı paylaşım edib.
Trend-in məlumatına görə, bu barədə Türkiyənin Azərbaycandakı səfirliyinin rəsmi "Twitter" hesabında bildirilib.
"Bundan tam iki il əvvəl Ermənistanın humanitar atəşkəs rejimini pozaraq 10 günahsız dinc sakinin ölümü ilə nəticələnən Gəncədəki raket hücumunu unutmamışıq. Hücum zamanı həlak olan azərbaycanlı bacı-qardaşlarımıza Allahdan rəhmət diləyirik", - deyə qeyd edilib.