Bakı. Trend:
Xəzər dənizinin hüquqi statusu haqqında Konvensiyanın tam ratifikasiyasını təmin etmək üçün əlavə səylər göstərməyə dəyər.
Trend-in məlumatına görə, bunu bazar ertəsi Azərbaycanın xarici işlər naziri Ceyhun Bayramov rusiyalı həmkarı Sergey Lavrovla Moskvada keçirdiyi mətbuat konfransında deyib.
"Xəzəryanı dövlətlərin başçılarının beşinci zirvə görüşündə Xəzərin hüquqi statusu haqqında Konvensiyanın imzalanması Xəzər dənizində gələcək qarşılıqlı fəaliyyətin arxitekturasının əsasını qoydu və bu əsası müəyyən etdi. Hesab edirik ki, tam ratifikasiyanı təmin etmək və bütün region ölkələri tərəfindən ratifikasiya prosesini başa çatdırmaq üçün bu istiqamətdə əlavə səylər göstərməyə dəyər”, - deyə o bildirib.