Bakı. Trend:
Azərbaycan-İsrail münasibətlərində yeni dövr başlayıb.
Trend-in məlumatına görə, bu barədə İsrailin Azərbaycandakı səfiri Corc Dik tvitter hesabında qeyd edib.
O, Azərbaycanın İsraildəki səfiri təyin edilən Muxtar Məmmədovun İsrailə gəldiyini bildirib.
"Xoş gəlmisiniz, cənab səfir! Azərbaycan-İsrail münasibətlərində yeni dövr", - deyə qeyd edilib.
Xatırladaq ki, 11 yanvar 2023-cü il tarixində Prezident İlham Əliyevin sərəncamı ilə Muxtar Məmməd oğlu Məmmədov Azərbaycanın İsraildə fövqəladə və səlahiyyətli səfiri təyin edilib.