...

Ərdoğan Paşinyanla telefon danışığında müzakirə etdiyi məsələni açıqladı

Siyasət Materials 26 Sentyabr 2023 14:39 (UTC +04:00)
Ərdoğan Paşinyanla  telefon danışığında müzakirə etdiyi məsələni açıqladı
Humay Ağacanova
Humay Ağacanova
Bütün xəbərlər

Bakı. Trend:

Türkiyə olaraq bütün proseslərdə Azərbaycanın yanında olduq. Mən keçən həftə BMT Baş Assambleyasında çıxışımda Azərbaycana dəstəyimizi qətiyyətlə vurğuladım.

Trend xəbər verir ki, Türkiyə Prezidenti Rəcəb Tayyib Ərdoğan Naxçıvandan qayıdarkən jurnalistlərə müsahibəsində bildirib.

"44 günlük Vətən Müharibəsindən sonra regionda daimi sülh və sabitliyin bərqərar olması üçün yeni imkan pəncərəsi açılıb. Bu fürsəti dəyərləndirmək barədə düşüncəmiz hər kəsə məlumdur.

Ermənistandan prosesi uzatmaq əvəzinə güclü iradə nümayiş etdirməsini gözləyirik. Mən bu gözləntiləri sentyabrın 11-də telefonla danışdığım Ermənistanın baş naziri Nikol Paşinyana da bildirdim. Azərbaycanın ərazi bütövlüyünə, suverenliyinə, qonşuluq hüququna hörmət edilərsə, həlli mümkün olmayan heç bir problem görmürük. Azərbaycan-Ermənistan prosesində irəliləyişin əldə olunması həm də regional normallaşmaya böyük təkan verəcək", - deyə R.T.Ərdoğan əlavə edib.

Qeyd edək ki, Türkiyə Respublikasının Prezidenti Rəcəb Tayyib Ərdoğan Naxçıvana səfərə gəlib. Səfər çərivəsində iki ölkə arasında bir sıra sənədlər imzalanıb. Həmçinin Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan İğdır-Naxçıvan qaz kəmərinin təməlinin qoyulması mərasimi Naxçıvan Bərpa-istehsalat hərbi kompleksinin açılışında iştirak ediblər.

Məqalədə:
Xəbər lenti

Xəbər lenti