Bakı. Trend:
Azərbaycanın İrandakı Səfirliyinə hücumla bağlı hökmün icrası müəyyən prosedurlar tələb edir.
Trend xəbər verir ki, bunu jurnalistlərə Baş prokuror Kamran Əliyev deyib.
O qeyd edib ki, biz İran tərəfi ilə bu istiqamətdə əlaqələrimizi davam etdiririk.
“Burada sadəcə prosessual məsələlərdən söhbət gedir. Bilirsiniz ki, birinci instansiya məhkəməsinin hökmü İranın Ali Məhkəməsi tərəfindən təsdiq olunmalıdır. Prosessual qayda odur ki, bu prosedur həyata keçiriləndən sonra hökm icraya yönəldiləcək".