Qəbələ. Trend:
Macarıstanın Baş naziri Viktor Orban macar şirkətlərinin Azərbaycanda iri neft-qaz layihələrində iştirakına şəraitin yaratdığına görə Azərbaycan Prezidenti İlham Əliyevə təşəkkür edib.
Bu barədə Trend xəbər verir.
Onun sözlərinə görə, hazırda Avropada elə bir vəziyyət yaranıb
ki, siyasi səbəblərə görə kənarlaşdırılmış hesab olunan enerji
mənbələri və ixrac marşrutları Avropanın enerji təminatı üçün
istifadə olunur.
“Nəticədə Avropanın rəqabət qabiliyyəti tənəzzülə uğrayır və Avropa
şirkətləri enerji üçün çinli və amerikalı rəqiblərindən üç-dörd
dəfə çox pul ödəyirlər. Macarıstan şaxələndirmə istiqamətində ciddi
addımlar atır və bu addımlarımız sizinlə son dərəcə dəyərli
əməkdaşlıq olmasaydı, uğurlu ola bilməzdi. Biz Macarıstan enerji
şirkətlərinə Azərbaycan və Avropanın ən iri təbii qaz və neft
yataqlarında iştirak etmək imkanı yaratdığına görə Prezident İlham
Əliyevə təşəkkürümüzü bildiririk. Bunun sayəsində biz, macarlar,
dünya enerji bazarında yeni mərhələyə qədəm qoyduq. Bu, Macarıstan
üçün böyük əhəmiyyət daşıyır. Minnətdarlıqla yanaşı, Prezident
İlham Əliyev və Azərbaycanı Macarıstanın sizin ölkə ilə dostluğuna
və strateji sadiqliyinə əmin edirəm, - deyə o bildirib.